如果讀書係成為一個揀選人材既機制 咁佢必須可以揀出唔同才華既人材先至係一個有用既機制
簡單而言 應該係一個運動健將 同一個科研專才既SCORE係相約先至叫有用
因為現實社會中 係需要有唔同既人 唔同既才能去混和發揮既
但香港教肓既失敗 就好似俾好多人去訓練20年踢波 然後考一場朗讀比賽咁
你有踢波天份既, 你個20年咪威威囉
你有朗讀天份既, 你個20年就好似垃圾咁, 但隨著年長, 你又暗暗感到其實自己又唔係咁差
講返一個唔成功既機制,佢都揀選出一定既人材出黎,而個班所謂既top students多數真係好叻
其實反而問題又不大喎, 而且多數佢地都會做醫生 律師...如果個醫生記性唔好,一路睇病一路睇書搵文獻我諗你下次都唔會睇佢
反而係個班second rank辛辛苦苦希望踢好場波, 點知20年後就去考朗讀...想點呀?
佢地踢足20年嫁啦!! 真係血汗分黎
而且有D一早離開左踢波界既人,深明自己朗誦既才能(又或者為勢所迫下發現)又朗讀得唔錯喎
如果唔係, 點解會有班人中五畢業出黎, 做地產經紀又搵到唔少錢呢?
以前會覺得大學學位咁多年都係一樣價錢, 好抵, 無通漲
但依家諗深一層, 其實大學學位仲值唔值咁高價值呢?
畢竟我認為你既才能都需要有一定既價值, 而係社會上, 價值往往,不可避免地,離唔開錢
又或者用一個例子,做GYM最終你想自己線條FIRM左瘦左又好,想自己爆肌變大隻佬又好
最終都離唔開度SIZE呢個STEP...如果你日做晚做甚至出口成文, 彷如阿諾上身, 但實際上只係一條排骨仔或者豬肉佬...咁都係無用啦
