2011年有好多新既體驗 亦有好多幸與不幸啦 所以就分開唔同部份講返
屋企
新成員 - 屋企個BB仔Brandon由年頭既半歲 轉眼間就歲半啦 又係新一個農曆年啦
好似唔知幾時先同家姐係醫院等生仔 咁快就歲半
燒野食 - 有次去左家姐會所燒野食 享受左歐美風情既燒烤機 新嘗試黎既 不過我同女朋友都覺得係燒炭比較正 最緊要係個火同埋天氣 當然食伴,係燒野食既情況下,就特別緊要啦
女朋友
戀情 - 同女朋友既屋企人見面 - 新年煙花 畢業典禮
情人節 - 情人節去左食鼎泰豐 - 真係好好食 又唔貴
美食(1) - 唔覺唔覺 原來丼吉已經食完咁耐 差唔多成年啦喎 炸野係幾好食既 唔好成日食就得啦
美食(2) - 食過霞飛呢間上海菜覺得真係唔錯 又係唔貴又食好多 又好好食
單車 - 4月16號 我女朋友終於第一次挑戰踩單車 雖然最終都唔係兩個輪 不過都係新嘗試啦
南生圍都幾靚既 有個火燒左既地方 好搞笑
生日 - 因為女朋友生日都唔係香港 所以後補左一個朱古力MOOSE蛋糕俾佢
美食(3) - 有次去左食四季煲仔飯(始終覺得係要EXPLORE多少少自己身邊既人同事,所以希望食野可以盡量有多D新既嘗試)結果個晚遇到三個人唔識中文既鬼佬VS煲仔飯大嬸, 幾經辛苦幫佢地搞掂左, 原來個三條友係UPS既人,成日黎TRIP 應該係有錢佬, 食4個煲仔飯俾左張500蚊! 哈
聖誕 - 今年既聖誕好簡單, 就係響沙爹王食就算 其實兩個人食都幾開心 我地食左勁多...飽到呢
最好味係個粒粒墨魚餅! 一流
宿舍生活
宿友 - 有個來自孟加拉既宿友 仲試過嗌交! 後來佢轉左去其他宿,即時開心左好多個人
農曆新年 - 係宿舍渡過既新年都幾搞笑 同宿友去左食印度餐 我好懷念青豆沙律呀!
宿舍活動(1) - 參加左宿舍(梗係人地宿舍啦...我住個個邊有活動嫁?)去摘士多啤梨 一粒都無摘到但偷食左好幾粒
宿舍活動(2) - 試過好騎呢地同左一班唔係好熟既宿友去左踩單車 仲記得之前一日病左 真係唉...印象中個日係無講過廣東話嫁! 哈哈哈
宿舍活動(3) - 女朋友High Table Dinner 佢著得好靚女啦 :) 同埋當晚發生左D好難忘既事 亦都見證左校方係幾咁無恥
拍拖 - 係宿舍入面雖然無乜宿友可言 但係成日同女朋友一齊買送煮送食飯都好開心
我記得有一次錯誤地將隻膠碟拎左去叮 差D大爆炸!
旅行
星加坡(1月) - 其實星加坡美食唔算多 唔知係唔係因為係第一次毫無主見下去旅行呢?
最懷念個黑胡椒炒蟹! 三百蚊一隻 兩個人食 好豪呀 =P
係星加坡食得最多就係SUBWAY =___= 窮人去旅行真係呢...
仲記得女朋友病左仲嘔 雖然星加坡旅行真係麻麻地 野食又麻麻地 不過同女朋友一齊旅行係幾開心既
馬來西亞(5月) - 五月考完哂試之後去左馬來西亞過左個relaxing holiday 好鍾意馬來西亞既美食 炒貴刁好簡單但係好夠獲氣好好味 係檳城同langkawi都係簡單純樸為主 我地仲試過係海灘訓到睇日落 日落真係好靚 又紅又紫 而吉隆坡就係大城市 仲食左雞球飯 豬油炒麵(超好食,但食完肚痾) 仲有羅漢果冰 我都覺得好好飲 仲有女朋友好鍾意食既魷魚莧菜 記得要離開個晚坐的士去機場 但司機無錢找 結果搵左個鬼佬幫手俾左的士錢 後來食完野 有返散銀又見返個鬼佬 就俾返D錢佢 佢好開心 哈哈哈
美國(6月) - 去左美國四個月新嘗試既野太多 自己一個人坐飛機15~18小時 適應時差 係咁講英文等等都係好新鮮既事 自己仲煮左好多野食 得閒要自己煮返先 簡單又好味 :D 去過東岸去過西岸 仲掃左D平貨(不過都唔係買左好多)
朋友
有時朋友呢家野真係好講人夾人 唔自然就唔得囉
CITY - 城大既同學仔唔知幾時開始越黎越多人 由本身4個到5個到依家成1幾廿個 哈哈
INTERNS - 係惠州實習既朋友仔因為係阿松既推動下 久唔久都有gathering
雖然阿松成日扮哂野唔還錢 但係同佢一齊打波都幾開心既! 不過都係要還錢囉唔該
中學 - 同中學仔聚會 硬係次次都會講返d養金魚既搞笑野 但係大家似乎都樂此不疲 或者係因為大家都想懷勉下中學既簡單生活
中學 - 同肥蕭好基咁兩個人去食麵包雞= =
興趣
跑步 - 2月4日跑左第一次跑10K比賽 幾好玩
影相 - 部P7000原來係2011年1月買既 姐係到手一年嫁啦 係女朋友既感染下 覺得影相既重要同埋希望技術有長進
沒有留言:
發佈留言